Ito ay na-aangkop sa mga nagpapahinga pa, mula ika-7 ng Setyembre ng 2022.
Panahon ng pagpapahinga
◆Panahon ng pagpapahinga para sa mga may sintomas: maliban sa mga nagpapahinga gamit ang aparato tulad ng “respirator”, atbp.
（1）Sa mga hindi pinasok sa ospital o sa “home for the aged”/“nursing home”
Ang panahon ng pagpapahinga ay 7 araw mula sa sumunod na araw ng paglabas ng sintomas (ika-0 araw) o matatapos sa ika-8 araw. Ngunit, kailangan ng paglipas ng 24 mula sa paghupa ng sintomas.*Dahil sa pananatili ng panganib ng impeksyon nang hanggang 10 araw (7 araw sa mga walang sintomas), sundin ng lubusan ang mga sumusunod bilang pansariling pag-iwas sa pagkalat ng impeksyon.
- Sariling pagtiyak sa lagay ng kalusugan tulad ng pagsusukat ng temperatura ng katawan, atbp.
- Pag-iwas sa pakikisalimuha sa mga may edad nang “high-risk”, o pagpunta ng hindi kailangan/importante sa mga “high-risk” na institusyon, o paggamit/pagkain atbp. sa mga lugar na mataas ang posibilidad na mahawahan.
- Pagsusuot ng mask.
（2）Sa mga na-ospital o nagpapahinga sa “home for the aged”/“nursing home”
Ang panahon ng pagpapahinga ay 10 araw mula sa sumunod na araw ng paglabas ng sintomas (ika-0 araw) o matatapos sa ika-11 araw. Ngunit, kailangan ng paglipas ng 72 mula sa paghupa ng sintomas.◆Panahon ng pagpapahinga para sa mga walang sintomas
Para sa mga hindi nagpakita ng sintomas kahit isang beses, 7 araw mula sa sumunod na araw ng pagkuha ng samplo (ika-0 araw) o matatapos sa ika-8 araw.Ngunit kung sa ika-5 araw, ay masigurong negatibo sa “Qualitative Antigen Test kit (For Medical Use)”, ito ay magtatapos sa ika-6 araw.
*Ang “test kit” na na dapat bilhin pansiguro sa pagka-negatibo sa ika-5 araw ay ang mga “Qualitative Antigen Test kit (hindi maari ang For Research Use)” na inaprubahan ng gobyerno na mabibili sa mga parmasiya, atbp.
- Ang “Qualitative Antigen Test kit” na pinamimigay sa “Test kit benefit/Positive Individual Registration Center” ay hindi maaring gamitin para sa ika-5 araw na pansiguro sa pagka-negatibo.
Paglabas ng tahanan habang nagpapahinga
Upang maiwasan ang pagkalat ng impeksyon, hindi maaring lumabas kasama ang pagpasok sa trabaho o paaralan, sa panahon ng pagpapahinga (panahon ng paglimita sa pagtrabaho).Ngunit, sa mga may sintomas (at lumipas na ang 24 oras nang humupa ang mga ito), o sa mga walang sintomas (hindi nagpakita ng sintomas kahit isang beses), sa pagsunod ng lubusan sa mga kundisyong: pag-ikli ng oras sa paglabas at pakikisalimuha sa ibang tao, hindi paggamit ng pampublikong transportasyon sa paglalakbay, at pagsuot ng mask sa paglabas at pakikipag-usap sa ibang tao, bilang pansariling pag-iwas sa pagkalat ng impeksyon, ay maaring lumabas kung kinakailangan at sa pinakakaunting beses upang mamili ng pagkain, atbp.
〇Sa mga hindi nakakaintindi ng wikang Hapon, makipag-ugnayan sa:
Information Center para sa mga Dayuhang Residente ng Shiga
(Lunes-Biyernes 10:00 n.u. – 5:00 n.h. *Sarado ng Sabado, Linggo at Pista opisyal)TEL: 077-523-5646
FAX: 077-510-0601
Email: mimitaro@s-i-a.or.jp
URL: https://www.s-i-a.or.jp/tl/counsel