Pagsangguni sa Pamumuhay FAQ "Mga Pamamaraan sa Imigrasyon at Paninirahan"

Mga nilalaman ng konsultasyon

~Ano ang mga dapat kong gawin kung gusto ko nang lumipat? ~

Sagot

Abiso

Magsumite ng abiso ng paglipat sa tanggapan ng munisipyo kung saan ka nakatira. Pagkatapos makalipat sa loob ng 14 na araw ay kailangan magsumite ng abiso ng paglipat sa opisina ng munisipyo ng bagong address. Kailanganin din baguhin ang address ng inyong residence card at individual number card. Bukod pa rito, kung may mga anak, kailanganin din kumpletuhin ang pamamaraan para sa paglipat ng nursery school, kindergarten, o paaralan. Kailangan din makipag-ugnayan sa inyong trabaho, bangko, at baguhin ang address ng lisensya sa pagmamaneho. Kung magsumite ka ng abiso ng paglipat ng tirahan sa opisina ng koreo/pos opis bago ka lumipat, ipapasa ang inyong mga sulat mula sa lumang address tungo sa inyong bagong address.

Pakikipag-ugnayan sa mga Kapitbahay

Sa Japan, kaugalian na sa mga taong lumilipat sa bagong bahay na bumati sa kanilang mga kapitbahay. Kilalanin ang iyong mga kapitbahay at makiusap kung maari kang turuan tungkol sa mga lokal na patakaran, tulad sa mga araw ng koleksyon ng basura at mga lokasyon nito, mga lugar ng paglikas sa kaso ng sakuna at iba pa.

Samahan ng mga magkakapitbahay (Jichikai)

Ang bawat lugar ay may mga samahan ng mga magkakapitbahay na pinamamahalaan ng mga nakatira rito. Ang samahan ng mga magkakapitbahay ay kasali sa iba’t ibang aktibidad, tulad ng pag iwas sa krimen, pag iwas sa kalamidad at mga aktibidad sa pagpapaganda upang mapabuti ang kalidad ng buhay sa komunidad. Tinutulungan din nila ang mga nakatirang mga kabataan, isang samahan ng mga kabataan “Kodomo Kai”na tangkilikin ang mga palakasan, pagdiriwang, at iba pang mga aktibidad. Para sa pagpapatakbo ng mga proyektong ito, ang mga miyembro ay nagbabayad ng mga bayarin sa pagiging miyembro at itinatalaga ang mga tungkulin at responsibilidad. Bilang karagdagan, ang isang “inililibot na impormasyon/Kairanban” na naglalaman ng mga detalyadong lokal na impormasyon ay ipinapasa. Ang pagsapi sa isang asosasyon ng kapitbahayan ay boluntaryo, ngunit maaaring kailanganin din magpamiyembro sa ilang mga kaso, tulad nang kapag ang isang asosasyon ng kapitbahayan ay siyang namamahala sa isang lugar ng pangongolekta ng basura. Kung sakaling magkaroon ng sakuna, kinakailangan ang tulong sa isat’t isa, kaya mahalagang mapanatili ang magandang relasyon sa inyong mga kapitbahay.

※ Mangyaring tiyakin kung mayron o walang samahan ng kapitbahayan sa inyong lugar, dahil ang mga kaganapan at mga bayarin ay depende sa lugar.

Mga nilalaman ng konsultasyon

Maari bang makapagtrabaho (Part-time Job) ang isang Senyur Hayskul?

Sagot

Para doon sa mga naging 15 taon gulang na lampas na ang kaarawan noong Marso 31 ay maaring nang makapagtrabaho kung sila ay pinapahintulutan magtrabaho ng part-time sa ilalim ng panunutunan ng paaralan kung saan sila pumapasok, Gayunpaman dahil sa sila ay nasa mababa pa sa 18 taon gulang at limitado lamang ang kaalaman pagdating sa panlipunang karanasan samakatuwid sila ay protektado sa mga sumusunod na batas.

Kapag nag-aaplay ng trabaho, kakailanganin mong magpakita ng liham ng pahintulot mula sa magulang o tagapag-alaga, isang sertipiko ng katibayan ng edad at pagiging karapat-dapat para sa paninirahan/residence card.

Kasama sa katangian ng trabaho ang mga paghihigpit o pagbabawal sa mapanganib o nakakapinsalang trabaho.
Patungkol naman sa mga oras ng pagtatrabaho, may mga paghihigpit sa panggabing trabaho (late-night work), overtime at holiday work, at pabago-bago ang oras ng trabaho ay ipinagbabawal din bilang pangkalahatang tuntunin.

※May ilang mapagsamatalang kumpanya sa mga manggagawa na napipilitang magtrabaho (Black Baito) sa ilalim ng hindi patas na mga kontrata sa paggawa, hindi nababayarang sahod, panliligalig sa kapangyarihan, sekswal na panliligalig, at iba pang mapang-abusong kondisyon. Samakatuwid, pakitiyakin mabuti ang anumang pipirmahang kontrata sa pagtrabaho at kumpirmahin ang nilalaman nito bago ito lagdaan.
※Ang mga mapanlinlang na trabaho (Yami Baito) kung saan ang mga mangagawa ay tumatanggap ng kabayaran para sa mga gawaing kriminal, ay kumakalat sa pamamagitan ng mga serbisyo sa social networking at iba pang paraan. Huwag kailanman mag-aplay para sa isang trabaho nang basta-basta dahil nag-aalok ito ng「mataas na kita ! 」Ito ay isang paraan ng mga kriminal na mapigilan na mahuli ang mga sindikato ng krimen pagpigil sa pamamagitan ng pagbibigay ng impormasyon tulad ng pagkakakilanlan at impormasyon ng pamilya at mga miyembro ng pamilya. Samakatuwid, mag-ingat na huwag ibigay ang iyong personal na impormasyon o pribadong impormasyon nang walang nararapat na pangangalaga at atensyon. 　

Mga isyung nauugnay sa trabaho gaya ng pang -aapi, seksuwal na panliligalig, pagtanggal sa trabaho, atbp.

Shiga Labor Bureau, Employment Environment and Equal Opportunity Office　 (Shiga Roudokyoku Koyoukankyo Kintoushitsu) Tel 077-523-1190
Hotline ng Konsultasyon sa Kondisyon sa Paggawa (Roudo Jouken Soudan Hotline) (Multilinguwal na Konsultasyon)

https://www.check-roudou.mhlw.go.jp/soudan/foreigner.html

Tungkol sa illegal na trabaho (part-time jobs) Departamento ng Pulisya, Sentro ng Pangkalahatan Tagapayo #9110

Mga nilalaman ng konsultasyon

Imigrasyon

Sagot

Ang mga banyagang residenteng naninirahan sa Japan ay binibigyan ng katayuan ng paninirahan (status of residence) at takdang panahon ng pananatili ayon sa layunin ng kanilang pamamalagi sa bansa. Ang nilalaman ng mga aktibidad na maaaring gawin ng isang dayuhan ay mahigpit na itinakda para sa bawat katayuan ng paninirahan.

Mga Kaugnay na Pahina

Kawanihan ng Imigrasyon

Mga Pamamaraan sa Imigrasyon

Ang mga pamamaraang may kinalaman sa katayuan ng paninirahan pagkatapos ng pagpasok sa Japan

Ang mga pamamaraang may kinalaman sa paninirahan pagkatapos ng pagpasok sa Japan ay isasagawa sa sangay na tanggapan sa Otsu ng Kawanihan ng Imigrasyon ng Osaka para sa mga naninirahan sa Shiga.
Osaka Immigration Bureau, Otsu branch office
Otsu Biwako Godochosha 6th flr. 3-1-1 Kyomachi, Otsu City
TEL：077-511-4231　

Pangkalahatang Konsultasyon

Para sa mga detalye, maaaring magtanong gamit ang mga banyagang wika sa Information Center para sa mga Dayuhang Residente at sa One-stop Consultation Center (Immigration Bureau).
One-stop Consultation Center (Immigration Bureau)
℡ 0570-013904（IP, PHS, Overseas: 03-5796-7112）

Dahilan sa pagpapalit sa bagong sistema ng katayuan ng paninirahan, ang isang tirahan (address) bago ang Hulyo 9, 2012 ay hindi maitatala sa resident card.
※Ang “alien registration card” na dating nasa pag-iingat ng mga munisipyo, bayan at mga nayon ay pinangangasiwaan na ng Ministry of Justice mula noong Hulyo 9, 2012.

Ukol sa kahilingan para sa paglalabas ng rekord na may kinalaman sa alien registration (link sa website ng Ministry of Justice)　

Mga nilalaman ng konsultasyon

Mga Pamamaraan sa Paninirahan

Sagot

Mga nilalaman ng konsultasyon

Ano ang mangyayari kapag lumipas ang itinakdang panahon ng pamamalagi?

Sagot

Kapag lumipas ang itinakdang panahon ng pamamalagi, ito ay ituturing na “ilegal na pananatili” (illegal overstay) sa batas ng imigrasyon. Sa ganitong kaso, bilang isang patakaran, ang lumabag nito ay hindi maaaring muling pumasok ng Japan sa loob ng 5 taon. Depende sa naging dahilan ng deportasyon, (uri ng ginawang krimen, bigat ng parusa, atbp.), maaari ring hindi na siya muling makapasok pa sa bansa nang permanente.

Deportasyon

Ito ay naaangkop para sa mga taong sinadyang mamalagi kahit na lumipas na ang itinakdang panahon ng kanilang pananatili sa loob ng bansa. Maaaring maiba ang patakaran sa kaso ng isang naaresto o ng kusang-loob na sumuko.

Kusang-loob na pagsuko

Kung susuko sa Kagawaran ng Imigrasyon bago mahuli ng mga pulis, maaaring makabalik sa sariling bansa nang walang pananagutan.

Kapag naaresto

Sa paglabag sa batas ng imigrasyon, maaaring dalhin ang taong lumabag sa Kagawaran ng Imigrasyon sa loob ng 10 araw at maaaring maidemanda. Kung madedemanda, ito ay lilitisin at karaniwang mangangailangan ng isang buwan at kalahati hanggang sa paglabas ng hatol. Pagkatapos na pigilin sa isang kulungan o sa himpilan ng pulis, siya ay ililipat sa Kagawaran ng Imigrasyon at pababalikin sa kanyang bansa.

Regular na paglabas ng bansa

Kung ang isang tao ay nananatili nang ilegal sa maikling panahon dahilan sa hindi maiiwasang kadahilanan tulad ng pagkakasakit, at iba pa, dapat na isagawa niya ang mga pamamaraan upang pahabain ang panahon ng kanyang pamamalagi at pagkatapos nito, siya ay lalabas ng Japan.

Mga nilalaman ng konsultasyon

Abiso ng pagkamatay

Sagot

lakip ang abiso ng pagkamatay sa sertipiko ng kamatayan na binigay ng doktor at ipadala sa loob ng 7 araw pagkatapos ng kamatayan, sa munisipyong sumasakop sa tinitirhan ng nagpasa ng abiso na maaaring isang kamag-anak o iba pang kasamang naninirahan ng namatay.
Isauli ang residence card sa loob ng 14 na araw buhat sa araw ng pagkamatay ng nagmamay-ari nito.

Basahin ang residence procedure (Q and A) Q 84